54 : கோவையில் வலைப்பதிவர் சந்திப்பு

இதுனால கோயம்புத்தூரு, பொள்ளாச்சி, மேட்டுப்பாளையம் சுத்துவட்டாரத்துல இருக்ற 18 பட்டிகள்ள இருக்ற வலைப்பதிவர்களுக்கும் சொல்லிக்கறது என்னன்னா....

வலைப்பதிவர் உலகில் கோவை மண்ணிலிருந்து நிறைய படைப்பாளிகள் இருக்கிறார்கள் ஆனால் பெரிய அளவில் சந்திப்புகள் எதுவும் நடந்ததாக தகவலில்லை. (நடந்து என் கவனத்தில் வராமலும் போயிருக்கலாம் அப்படி இருந்தால் - மன்னிக்க!)

இந்த முறை தீபாவளி விடுமுறையை ஒட்டி ஒரு சந்திப்பை ஏற்பாடு செய்தால் என்ன என்று வெகுநாட்களாய் சிந்தித்து வந்ததில் விளைந்த பதிவு இது.

விடுமுறைக்கு நிறைய பேர் தங்கள் சொந்த ஊருக்கு வருவார்கள் என்பதால் நிறைய பேரை சந்திக்கும் வாய்ப்பு கிடைக்கும் என்பது கூடுதல் அனுகூலம்.

விசாரித்த வரையில் இன்னொரு பெருங்கூட்டமும் இருக்கிறது அதுதான் நம்மூரு அம்மணிகளை (தங்கமணி) மணந்திருக்கும் கூட்டம். எனவே மாமனார் வீட்டுக்கு வந்திருப்போரும் வரக்கூடிய வாய்ப்பு இருக்கிறது ;-)

சந்திப்புக்கு வர ஆர்வமிருப்போர் ஆஜர் என்று ஒரு பின்னூட்டமிட்டால் மகிழ்வேன் - வோம்! எண்ணிக்கையை பொறுத்து இடத்தை முடிவு செய்து கொள்ளலாம், அக் 22, 2006 ஞாயிற்றுக் கிழமை... மிக மந்தமான நேரமான மாலை 3 - 5 க்குள் சந்திப்பை வைத்துக் கொள்ளலாம் என்பது திட்டம்.

வடை-போண்டா என்று குறுகிய வட்டத்திலிருந்து வெளிவந்து கோவை புகழ் 'பேக்கரி'கள் ஏதாவதொன்றில் சந்திப்பை வைத்துக் கொள்ளலாம். அல்லது வேறெதுவும் சுவாரசியமான இடங்களை/பதார்த்தங்களை பரிந்துரைக்கலாம்.

தற்போதைய திட்டம்
===================
இடம் : லாலி ரோடு - அரோமா பேக்கரி
நாள் : அக், 22, 2006
நேரம் : காலை 10 - 12

கோவையை சேர்ந்த சில நண்பர்கள் இப்போதே விடுமுறை எடுத்துக்கொண்டு பிரயாணங்களில் ஈடுபட்டிருக்கலாம்... அல்லது இந்தப் பதிவு அவர்கள் கவனத்திற்கு வராது போகலாமென்பதால்... இப்பதிவை பார்ப்போர் சம்பந்தப் பட்டவர்களுக்கு தெரியச் செய்யுங்கள்.

அலை கடலென திரண்டு, அனைவரும் வாரீர்... ஆதரவு தாரீர் (ஓ தேர்தல்-லாம்தான் முடிஞ்சுருச்சே). சீக்கிரமே சந்திப்போம், அதுவரை உங்கள் மேலான ஆலோசனைகளை எதிர்நோக்கி...

நண்பர்களே இனிய தீபாவளி நல்வாழ்த்துக்கள் அனைவருக்கும்!